बुधबार एकैदिन अहिलेसम्मकै सबैभन्दा बढी १ सय १४ जनामा कोरोना संक्रमित भेटिएका छन् । योसँगै नेपालमा कुल संक्रमितको संख्या ८ सय ८६ पुगेको छ । मन्त्रालयका प्रवक्ता डा. विकास देवकोटाका अनुसार बुधबार कोसी अस्पतालमा गरिएको परीक्षणमा झापाका १७ जनामा कोरोना पोजेटिभ देखिएको छ । त्यसैगी धरानको बीपी कोइराला स्वास्थ्य विज्ञान प्रतिष्ठानमा गरिएको परीक्षणमा ११ जनामा पोजेटिभ देखिएको मन्त्रालयले सार्जजनिक गरेको नयाँ विज्ञप्तिमा भनिएको छ । पोजेटिभ देखिने सबै सप्तरी जिल्लाका हुन् ।
यसैगरी, हेटौँडामा भएको परीक्षणमा रौतहटका ७ सहित ८ जनाको कोरोना पोजेटिभ देखिएको छ । पोखरामा भएको परीक्षणमा बागलुङका ४ जनामा पोजेटिभ देखिएको छ ।
