साताको पाँचौ दिन बिहीवार नेपाली बजारमा सुनको मूल्य बढेको छ ।
नेपाल सुनचाँदी व्यवसायी महासंघका अनुसार छापावाला सुनको मूल्य ७०० रुपैयाँले बढेर प्रतितोला १ लाख ९ हजार ५ सय रुपैयाँ कायम भएको हो । यस्तै तेजाबी सुनको मूल्य प्रतितोला १ लाख ९ हजार रुपैयाँ तोकिएको छ ।
बुधबार छापावाला सुनको मूल्य प्रतितोला १ लाख ८ हजार ८ सय रुपैयाँ तोकिएको थियो भने तेजावी सुन १ लाख ८ हजार ३०० रुपैयाँ तोकिएको थियो ।
यता, आज चाँदी प्रतितोला १ हजार ३५० रुपैयाँमा कारोवार भइरहेको छ । हिजो चाँदी १ हजार ३४० रुपैयाँमा कारोवार भएको थियो ।
