एपोलो हाइड्रोपावर लिमिटेडको सामूहिक लगानी कोषका लागि छुट्याइएको ४७ हजार कित्ता साधारण शेयरको लक–इन अवधि समाप्त हुने भएको छ ।
कम्पनीले नेपाल धितोपत्र बोर्डको स्वीकृतिअनुसार सर्वसाधारणका लागि निष्कासन गरेको साधारण शेयरमध्ये ५ प्रतिशत शेयर सामूहिक लगानी कोषका लागि छुट्याएर बाँडफाँड गरेको थियो ।
सामूहिक लगानी कोषका लागि छुट्याइएको उक्त ४७ हजार कित्ता शेयरको लक–इन अवधि सर्वसाधारणलाई शेयर बाँडफाँड भएको मितिले ६ महिनापछि समाप्त हुने व्यवस्था छ ।
सोही व्यवस्थाअनुसार एपोलो हाइड्रोपावरका सामूहिक लगानी कोषका लागि छुट्याइएको ४७ हजार कित्ता शेयरको लक–इन अवधि आउँदो कात्तिक १० गते समाप्त हुने कम्पनीले जनाएको छ ।
