‘हामी नेपाल’ संस्थाका सदस्य र जेन–जी आन्दोलनका शहीद परिवार काठमाडौं प्रहरी परिसरबाट बाहिरिएका छन् ।
उनीहरू निवर्तमान प्रधानमन्त्री तथा एमाले अध्यक्ष केपी शर्मा ओली र निवर्तमान गृहमन्त्री तथा कांग्रेस नेता रमेश लेखकलगायतलाई पक्राउ गर्नुपर्ने भन्दै जाहेरी लिएर जिल्ला प्रहरी परिसर भद्रकाली पुगेका थिए ।
प्रहरीले जाहेरी बुझेर जाँचबुझ आयोगमा पठाएको बताइएको छ । हिजो प्रहरीले जाहेरी दिन इन्कार गरेको थियो । प्रधानमन्त्री सुशीला कार्कीले यसबारे गृहमन्त्री ओमप्रकाश अर्यालसहित सुरक्षा निकायका प्रमुखहरूसँग परामर्श गरेकी थिइन् । त्यसपछि आज प्रहरीले जाहरी बुझेको हो ।
