भक्ति घिमिरे ` दुर्बोध ´
घरगोठ ढुकुटी रित्तै रित्तै मन माथ
कहर बढ्यो सङ्कट बढ्यो छैन केही साथ
बैठक भेटघाट पद पैसा छैन अरु चासो
अर्कोपटक के हुने हो केही छैन खाँचो ।१ ।
जता लग्यो उतै जाने कानुनका धारा
जनताभन्दा सधैं किन ठूलाबडा प्यारा
हामीलाई झुक्याइ छली आफ्नै पोल्टो हेर्ने
साक्षी राख्ने ऎन कानुन आफ्नै भुँडी भर्ने ।२ ।
केही भेद छैन यहाँ बिँड र श्रीखण्डमा
माथिमाथि चढ्दै जाने बनाइ भर्र्याङ् यहाँ
बुइ चढी माथि पुग्ने हान्ने लात सधैं
खोलो तर्यो लौरो बिर्सियो के होला र खोइ ।३ ।
आशा धेरै जन माझ निराशा झन् जागे
जाली स्वार्थी लोभी पापी सबै अघि लागे
सोझा सिधा श्रमजीवी जिउनकै छ चिन्ता
कसले किन यस्तो पार्यो तिम्रो हाम्रो कित्ता ।४ ।
लोकतन्त्र गणतन्त्र कस्तो रजाइँतन्त्र
जमाउ खाउ गर्दै ड्याउ यही हो मुलमन्त्र
आस्था डुबे विश्वास डुबे जहाज डुब्न सक्छ
कुर्सी पद अस्थायी हो जनता के हुन बुझ ।५ ।
