नेपाली कांग्रेसले आफ्ना तीन जना पूर्व प्रभाबशाली नेतालाई निष्काशन गरेको छ । पूर्वमन्त्री गोविन्दराज जोशी, पुस्करनाथ ओझा र रामबहादुर विष्ट कांग्रेसबाट निष्काशित गरेको हो । तीनै जना नेतालाई कांग्रेसको अनुशासन समितिले पार्टीबाट निस्काशित गर्ने निर्णय गरेको हो ।
अनुशासन समितिले तीनै जनासँग स्पष्टीकरण सोधेको थियो, तर जवाफ चिक्तबुझ्दो नभएको र पार्टीको अनुशासन उल्लंघन गरेको पाइएकाले पार्टीबाट निष्कासन गर्ने निर्णय भएको समितिले बताएको छ ।
जोशी र ओझालाई ५÷५ वर्ष र विष्टलाई ३ वर्ष पार्टीबाट निष्काशन गर्ने निर्णय भएको समितिले जनाएको छ । जोशीले गएको निर्वाचनमा वरिष्ठ नेता रामचन्द्र पौडेलविरुद्ध बागी उम्मेदवारी दिएका थिए ।
त्यस्तै, पूर्वमन्त्री एवं कैलालीका महासमिति सदस्य ओझामाथि कांग्रेस सभापति शेरबहादुर देउवा पत्नी आरजु देउवालाई चुनाव हराउन भूमिका खेलेको आरोप लगाइएको छ ।
