भाटभटेनी सुपरमार्केट र सिप्रदी ट्रेडिङले चाडपर्वको किनमेलमा लक्की ड्रमार्फत दुईवटा टाटा पन्च ईभी उपहार दिने योजना सार्वजनिक गरेको जनाएका छन् । उपलब्ध विवरणअनुसार एउटा कार खरिद बिलका आधारमा र अर्को नेपालपे क्यूआरमार्फत भुक्तानी गर्ने ग्राहकमध्येबाट विजेता छनोट गरी प्रदान गरिनेछ ।
यस योजनाअन्तर्गत देशभरका भाटभटेनी स्टोरमा एकपटकमा दुई हजार ५०० रुपैयाँ वा सोभन्दा बढीको सामान खरिद गर्ने ग्राहक लक्की ड्रमा सहभागी हुन सक्नेछन् । खरिद बिलका आधारमा नाम दर्ता गरेर योजनाको अन्त्यमा एक जना विजेता छनोट गरिने कम्पनीले जनाएको छ ।
यसैगरी, अर्को पन्च ईभीका लागि भाटभटेनीमा सामान खरिदपछि नेपालपे क्यूआर स्क्यान गरी भुक्तानी गर्ने ग्राहक सहभागी हुन सक्ने बताइएको छ । यसरी दुई छुट्टाछुट्टै प्रक्रियाबाट दुई जना विजेताले एक–एकवटा कार पाउने योजना छ ।
सिप्रदीले भाटभटेनीका २८ स्टोरमा टाटा कारसम्बन्धी जानकारी उपलब्ध गराउने पनि जनाएको छ । कम्पनीका अनुसार चाडपर्वमा भाटभटेनीमा किनमेल गर्ने टाटा कारका ग्राहकलाई थप उपहारसमेत उपलब्ध गराइनेछ ।
योजनाको सुरु र समाप्त हुने मिति, नेपालपे भुक्तानीमा लागू हुने न्यूनतम रकम, पुरस्कारको भेरियन्ट तथा करसम्बन्धी सर्त भने उपलब्ध सामग्रीमा खुलाइएको छैन ।
