हालैका आन्दोलनका क्रममा देशका विभिन्न भौतिक संरचनामा भएको ठूलो क्षतिको पुनर्निर्माणमा लक्ष्मी टेक्नोप्लास्ट लिमिटेडले सहयोग गर्ने घोषणा गरेको छ।
ओम शिवम पाइप्स एन्ड फिटिङ्स र मेरीगोल्ड फर्निचरको मातहतमा रहेको यस कम्पनीले आगामी तीन महिनासम्मको आफ्नो कुल बिक्रीको १ प्रतिशत रकम राष्ट्र पुनर्निर्माणका लागि योगदान गर्ने घोषणा गरेको हो।
‘हाम्रा संरचना हामी आफैं बनाउँछौँ’ भन्ने राष्ट्रिय भावनालाई आत्मसात् गर्दै कम्पनीले यो अभियान सुरु गरेको हो। कम्पनीका प्रबन्ध निर्देशक अञ्जनी नन्दन मारुले भने, ‘यो हाम्रो देश हो, यसको सम्पत्ति र संरचना हाम्रो गौरव हो। हामी पुनर्निर्माणका हरेक प्रयासमा पूर्ण समर्पणसहित अघि बढ्न तयार छौं। यही हाम्रो दायित्व र प्रतिबद्धता हो।’
