साताको कारोबारको तेश्रो दिन बुधबार सेयर बजार मापक नेप्से परिसूचकमा वृद्धि आएको छ । बुधबार नेप्से परिसूचक ४४.५९ अंकले बढेर २६५२.९३ बिन्दुमा कायम भएको छ । ।
नेप्सेमा कुल ३६२ कम्पनीको ९५ लाख ४७ हजार ६७८ कित्ता सेयर खरिद बिक्री हुँदा रू. ३ अर्ब ८६ करोडमाथिको सेयर कारोबार भएको छ । आज सबैभन्दा धेरै कारोबार लक्ष्मी सन्राइज बैंक लिमिटेडको भएको छ । यस कम्पनीको २८ करोड ८४ लाख रुपैयाँ बराबरको कारोबार भएको छ ।
आजको बजारमा स्नो रिभरका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य १४ प्रतिशतभन्दा धेरैले बढेको छ ।
यता, कर्पोरेट डेभलपमेन्ट बैंक लिमिटेडका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ५ प्रतिशतभन्दा धेरैले घटेको छ ।
