प्रधानमन्त्री वालेन्द्र साहले आज महिला उद्यमीहरूसँग प्रधानमन्त्री तथा मन्त्रिपरिषद्को कार्यालय, सिंहदरबारमा विशेष छलफल गर्दैछन्। केही समयपछि सुरु हुने उक्त बैठकमा नेपालमा महिला उद्यमशीलता प्रवर्द्धन, आवश्यक नीतिगत सुधार तथा समग्र उद्योग क्षेत्रमा महिलाहरूको सहभागिता कसरी वृद्धि गर्न सकिन्छ भन्ने विषयमा सरोकारवालाहरूसँग गहन संवाद हुनेछ।
प्रधानमन्त्री साहका प्रेस तथा अनुसन्धानविज्ञ दीपा दाहालले बैठकको कार्यसूचीबारे यो जानकारी दिएकी हुन्। दाहालका अनुसार उक्त छलफलमा महिला उद्यमी महासङ्घका तर्फबाट नेतृत्व गर्दै अध्यक्ष दर्शना श्रेष्ठ, तृतीय उपाध्यक्ष महालक्ष्मी श्रेष्ठ, महासचिव सविता सुवेदी, सचिव डिकिला शेर्पा लामा र कार्यकारिणी सदस्य अनुजा राजभण्डारी श्रेष्ठ सहभागी हुनेछन्। बैठकमा महिला व्यवसायीहरूले भोग्दै आएका चुनौती र सरकारबाट अपेक्षित सहयोगका विषयमा समेत ज्ञापनपत्र बुझाइने कार्यक्रम रहेको छ।
बैठकमा महिला उद्यमी महासङ्घका अध्यक्ष दर्शना श्रेष्ठको नेतृत्वमा तृतीय उपाध्यक्ष महालक्ष्मी श्रेष्ठ, महासचिव सविता सुवेदी, सचिव डिकिला शेर्पा लामा तथा कार्यकारिणी सदस्य अनुजा राजभण्डारी श्रेष्ठ सहभागी हुनेछन्। महासङ्घले महिला उद्यमीहरूको हितसँग सम्बन्धित विभिन्न सुझाव समेटिएको ज्ञापनपत्र पनि प्रधानमन्त्रीलाई बुझाउने कार्यक्रम रहेको जनाइएको छ।
प्रधानमन्त्रीका प्रेस तथा अनुसन्धानविज्ञ दीपा दाहालका अनुसार सरकारले महिला उद्यमशीलतालाई राष्ट्रिय आर्थिक विकासको महत्वपूर्ण आधारका रूपमा लिएको छ। यही उद्देश्यअनुसार निजी क्षेत्र र महिला उद्यमीहरूसँग प्रत्यक्ष संवाद गर्दै आवश्यक नीतिगत सुधारका विषयमा सुझाव संकलन गर्न बैठक आयोजना गरिएको हो। सरकारले महिलालाई उद्योग, व्यापार र उत्पादनमूलक क्षेत्रमा थप सक्रिय बनाउने नीति अघि बढाइरहेका बेला हुन लागेको यो छलफललाई अर्थतन्त्रमा महिलाको योगदान वृद्धि गर्ने दिशामा महत्वपूर्ण कदमका रूपमा हेरिएको छ।
