काठमाडौंको भृकुटीमण्डपमा दुईपांग्रे सवारी प्रेमीहरूका लागि बहुप्रतिक्षित ‘यामाहा ब्लु फेस्ट’ एक्सचेन्ज महोत्सव औपचारिक रूपमा सुरु भएको छ। एमएडब्लू इन्टरप्राइजेजका प्रबन्ध निर्देशक विष्णुकुमार अग्रवाल र एमएडब्लू राइड्सका सीईओ दीपककुमार अग्रवालले संयुक्त रूपमा उद्घाटन गरेको यो महोत्सव आगामी वैशाख ३ गतेसम्म चल्नेछ।
यो एक साताको अवधिमा ग्राहकहरूले जुनसुकै ब्रान्डका पुराना मोटरसाइकल वा स्कुटरलाई यामाहासँग साट्न सक्नेछन्। महोत्सवको मुख्य विशेषता भनेको न्यूनतम मूल्याङ्कन ग्यारेन्टी हो, जहाँ यामाहाका पुराना बाइकमा ५० हजार र अन्य ब्रान्डका हकमा कम्तीमा २५ हजार रुपैयाँ (ट्याक्स क्लियरेन्स भएमा) मूल्याङ्कन सुनिश्चित गरिएको छ। यसका साथै एक्सचेन्जमा १० हजार रुपैयाँ थप बोनस र ७.९९ प्रतिशतको आकर्षक ब्याजदरमा बिना कुनै ग्यारेन्टर फाइनान्स सुविधा समेत उपलब्ध छ।
महोत्सवलाई केवल खरिद-बिक्रीमा मात्र सीमित नराखी एक उत्सवको रूपमा प्रस्तुत गरिएको छ। ‘थ्रिल अफ थ्री’ योजना अन्तर्गत ग्राहकले १ लाख रुपैयाँसम्मको नगद छुट पाउन सक्नेछन् भने विज्ञापन शेयर गर्ने र स्क्रिनसट देखाउनेहरूका लागि पनि नगद पुरस्कारको व्यवस्था गरिएको छ। प्रदर्शनीमा नेपालकै सर्वाधिक माइलेज दिने ‘रेजेडआर १२५एफआई हाइब्रिड’ सहित युवाहरूको रोजाइमा रहेका आर१५ भी४, एमटी-१५ भी२ र अफ-रोडका लागि डब्लूआर १५५आर जस्ता लोकप्रिय मोडलहरू राखिएका छन्।
यो मेला सवारी साधन रोज्न मात्र नभई नयाँ प्रविधिसँग साक्षात्कार गर्ने उत्कृष्ट थलो बनेको छ। मनोरञ्जनका दृष्टिले पनि यो महोत्सव निकै विशेष छ। महोत्सवमा सहभागी हुने ग्राहकहरूले चर्चित गायक महेश काफ्ले र गायिका अस्मिता अधिकारीको सांगीतिक प्रस्तुतिबाट आनन्द लिन पाउनेछन्। त्यसैगरी, गेमिङ जोन, फेस पेन्टिङ, स्मार्ट हेलमेट जित्ने मौका र टेस्ट राइडमा आकर्षक उपहारहरूले महोत्सवको रौनक थपेको छ।
कन्टेन्ट क्रिएटरहरूसँग भेटघाट (ग्रीट एन्ड मीट) गर्ने अवसर र निःशुल्क एक्सेसरिजको व्यवस्थाले ग्राहकहरूलाई थप उत्साहित बनाएको छ। कम्पनीले यस ‘ब्लु फेस्ट’लाई सवारी संस्कृति, आधुनिक प्रविधि र यामाहा समुदायको एक वृहत् एकताको रूपमा दाबी गरेको छ।
