नेपाल पुनर्बीमा कम्पनीको आइपीओ बाडफाँट, आवेदन दिनेले पाए १० देखि ५० कित्ता
चैत २६, काठमाडौं ।
नेपाल पुनर्बीमा कम्पनीको आइपीओ बाडफाँट भएको छ । बिक्री प्रबन्धक आरबीबी मर्चेन्टको कार्यालयमा बुधबार बिहान सेयर बाटफाँट गरेको हो । आवेदन स्वीकृत भएका सबैले पुनर्बीमा कम्पनीको प्राथमिक सेयर पाएका छन् ।
आवेदन स्वीकृत भएका ३ लाख ९० हजार ६३८ जनाले न्यूनतम १० देखि अधिकतम ५० कित्तासम्म सेयर पाएका छन् । १०, २०, ३० र ४० कित्ता माग गर्नेले माग गरे बराबरकै सेयर पाएका छन् । ५० कित्ताभन्दा बढी सेयर माग गर्नेलाई ४० वा ५० कित्ता सेयर परेको छ । ५० कित्ताभन्दा बढी आवेदन दिने सबैलाई ४० कित्ता दिएपछि बाँकी रहेको सेयरमा थप १० कित्ताका दरले सेयर पाउनेहरु गोलाप्रथाबाट छनौट गरिएको थियो ।
यसरी छनौट गर्दा ७७ हजार २ सय ४५ जनालाई थप १० कित्ता अर्थात ५० कित्ताका दरले सेयर दिन पुुगेको छ । विविध कारणले ९८८ आवेदन रद्द भएको बिक्री प्रवन्धक आरबिबी मर्चेन्ट बैंकिङले जनाएको छ ।
त्यसकै लागि एकमात्र यो पुर्नबीमा कम्पनी संचालनमा आएको छ । सर्वसाधारणतर्फ १ करोड ६० लाख कित्ता जारी गरी कम्पनीले १ अर्ब ६० करोड रुपैयाँ पुँजी जुटाएको छ ।
नेपालका बीमा कम्पनीले विदेशका कम्पनीसँग पुर्नबीमा गर्दै आएकोमा केही वर्षयता निश्चित हिस्सा स्वदेशकै पुनर्बीमा कम्पनीमार्फत गराउनुपर्ने व्यवस्था गरिएको छ ।
प्रतिकृया दिनुहोस्